Entour ce feu, figure de ma peine,
Allegrement ma Dame se promeine ;
Et dens mon cœur flame plus violente
Fait que tousjours sa beaulté m’est presente.
Entour ce feu (comme indice de joye)
En grand plaisir, dansant, elle tournoye ;
Et elle encor de mon piteux martire
Et de ma grande ardeur ne fait que rire.
Mais las, ce feu demain sera en cendre,
Et ma douleur jamais fin ne peult prendre.